Bie numri i pacientëve të prekur me koronavirus, infektologët thirrje për zbatimin e masave

Bie numri i pacientëve të prekur me koronavirus, infektologët thirrje për zbatimin e masave

20:05, 18/05/2020

Klinika Infektive ka shënuar rënie të pacientëve të cilët po trajtohen nga COVID-19.

Të hënën në këtë klinikë, trajtim shëndetësor kanë marrë vetëm 10 pacientë të infektuar.

Megjithatë, infektologët po vazhdojnë të bëjnë thirrje që qytetarët të vazhdojnë respektimin e masave, raporton KOHA.

3 pacientë të shtyrë në moshë, sipas mjekëve, janë gjendje të rëndë shëndetësore dhe po trajtohen në Mjekimin Intensiv.

Gati një javë pasi në Mjekimin Intensiv hynë 23 persona, staf shëndetësor, të gjithë prej tyre kanë rezultuar negativë në testet e IKSHPK-së për COVID-19.

Drejtori i Klinikës së Mjekimit Intensiv, Nehat Bahtiu, ka konfirmuar për KOHËN se ata do të vazhdojnë të qëndrojnë në izolim edhe për disa ditë, sipas rekomandimeve të IKSHPK-së.

Brenda pak ditësh, të njëjtëve, do t’u përsëriten testet për COVID-19.

© SYRI.net

Lexo edhe:

Komentet

Shto koment

Denonco