Presidenti i Kosovës Hashim Thaçi, tha se pas rrëzimit të Qeverisë është i detyruar që të fillojë konsultimet për fillimin e formimit të institucioneve të reja të vendit.

Pas takimit me krerët e partive politike, shtoi se të gjitha veprimet e mëtutjeshme, do të jenë transparente dhe në përputhje me Kushtetutën, ligjet dhe praktikat e më hershme.

“Sot si president i vendit duke respektuar Kushtetutën, ligjet, mandatin tim si president pas mocionit më 25 mars jam i detyruar të fillojë konsultat me partitë politike dhe liderët për hapat e mëtutjeshëm të funksionimit të institucioneve apo themelimit të Qeverisë së re. Respektimi i plotë i legjitimiteti të qytetarit duke marrë parasysh edhe shkarkimin e Qeverisë. Të gjitha veprimet e mëtutjeshme që do të ndërmarr si president pas konsultimeve do të jenë transparente në përputhshmëri me Kushtetutën, ligjet dhe praktikat e mëhershme të deklaruara sipas vullnetit të partive. Do të jetë proces kushtetues, i konsultuar dhe ligjor ju do të njoftoheni me të gjitha”, u shpreh Thaci.