Shkon në 13 numri i të prekurve me koronavirus në Kosovë

Shkon në 13 numri i të prekurve me koronavirus në Kosovë

08:25, 16/03/2020

Ministri i Shëndetësisë në Kosovë, Arben Vitia, njoftoi se është rritur në 13 numri të prekurve me virusin COVID-19.

Sipas tij, katër rastet e reja janë nga fshati Stubëll i Vitisë, familjarë të ngushtë të pacientit të diagnostikuar pozitiv të premten.

Ai kërkoi të reduktohen daljet vetëm në rastet emergjente.

"Mbrëmë vonë, bazuar në rezultatet e testimeve u konfirmuan edhe katër raste të reja pozitive me COVID-19. Të katër rastet janë nga fshati Stubëll e Vitisë, familjarë të ngushtë të pacientit të diagnostikuar pozitiv me COVID-19, me datë 13.03.2020. E gjithë familja kanë qenë në vetizolim dhe Instituti Kombëtar i Shëndetit Publik ka bërë testimin edhe të familjarëve të tjerë.

Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e Shëndetësisë dhe Instituti Kombëtar i Shëndetit Publik", shkruan Vitia ne Facebook.

Një ditë më parë, Kryeministri i Kosovës, Albin Kurti ka aprovuar kërkesën e Ministrisë së Shëndetësisë për shpalljen e gjendjes emergjente të shëndetit publik.

© SYRI.net

Lexo edhe:

Komentet

Shto koment

Denonco