Deputeti i Lëvizjes Vetëvendosje, Mefail Bajqinovci, ka hedhur akuza ndaj presidentit të Kosovës, Hashim Thaçi.
Thaçi u shpreh sot se,lideri i VV-së, Albin Kurti, duhet të vijë të marrë mandatin e kryeministrit, ose ta refuzojë atë.
Kjo nuk është hera e parë që Thaçi kërkon nga Kurti të vijë të marrë mandatin për krijimin e qeverisë, që prej takimit mes të dyve me datën 6 janar.
“Thaçi thotë se po mendon dekretimin e Kurtit pasi është i nominuar për kryeministër dhe se ka caktuar gjysmën e qeverisë”, ndërsa dje tha “e kam nominuar z. Kurti, si gjithmonë, duke u shërbyer me vetën e parë të gërditshme që qytetarët e dëgjojnë nga ai, tash e sa vite”, shkruan Bajqinovci në Facebook teksa deklaratat e presidentit.
“Ky fodull, tallet me shtetin e me Kushtetutën, në çdo hap që bën. Përmbajtjet politike i ngatërron me fakte juridike dhe e kundërta: faktet juridike i keqpërdorë brutalisht në funksion të interesave të tij parapolitike, si kreu i oligarkëve të Kosovës”, vijon më tej.
Në fund, Bajqinovci e krahason rolin e presidentit në këtë situatë me atë të noterit.
“Më thjeshtë, çfarë po bën ky është pak a shumë kështu: Kur një noter kërkon nga palët t’u bëjë gati aktin noterial para se palët të jenë pajtuar për përmbajtjen e marrëdhënies juridike. I nderuar noter i zellshëm, prisni kërkesën. Shpejt do të ju arrijë”, shkruan deputeti i Vetëvendosjes.
© SYRI.net