Hashim Thaçi po qëndron në Paris, si pjesë e Samitit të Paqes, samit në të cilin po merr pjesë edhe presidenti i Serbisë, Aleksandër Vuçiq.
Ditë e sotme, presidenti Thaçi është pritur në 'Pallatin Elise', nga homologu i tij Emmanuel Macron.
Në një postim në Facebook, Thaçi tregon se ka siguruar presidentin Macronit, se Kosova është e gatshme për marrëveshje paqësore me Serbinë, por që ajo duhet të sjellë njohjen reciproke dhe anëtarësimin e Kosovës në Kombet e Bashkuara.
Postimi i plotë:
Pritja e presidentit Macron në Pallatin Elise, ku zhvilluam një takim bilateral dhe biseduam për perspektivën euroatlantike, për dialogun me Serbinë, për forcimin e paqes dhe të ardhmen e tërë Ballkanit Perëndimor.
Presidentit Macron ia konfirmova se Kosova është e vullnetshme dhe e gatshme për marrëveshje paqësore me Serbinë, e cila duhet të sjellë njohje reciproke dhe anëtarësim të Kosovës në Kombet e Bashkuara.
Marrëveshja e Paqes garanton më shumë mundësi për zhvillim dhe për jetë më të mirë, si dhe më shumë prosperitet për të gjithë qytetarët tanë. Faleminderit për mbështetjen, president Macron!
© SYRI.net