Ambasadori Kosnett ‘lexon’ zgjedhjet e Kosovës: Qytetarët votuan për fundin e korrupsionit

Ambasadori Kosnett ‘lexon’ zgjedhjet e Kosovës: Qytetarët votuan për fundin e korrupsionit

18:09, 11/10/2019

Ambasadori i Shteteve të Bashkuara, Philip Kosnett, përmes një mesazhi në rrjetin social, Twitter, ka thënë se rezultatet e zgjedhjeve në Kosovë treguan se qytetarët votuan për të parë fundin e korrupsionit.

“A do të ndërmarrin të gjitha partitë, në pozitë dhe opozitë, një veprim përfundimtar për këtë?”, ka shkruar Kosnett, sipas Rel.

Nga rezultatet preliminare, të publikuara deri më tani nga Komisioni Qendror i Zgjedhjeve, Lëvizja Vetëvendosje ka fituar 25.49 për qind të votave, pasuar nga Lidhja Demokratike e Kosovës me 24.82 për qind të votave.

Sipas KQZ-së, Partia Demokratike e Kosovës, e cila ka udhëhequr për 12 vjet, ka dalë e treta.

Këto rezultate nuk përfshijnë votat me kusht, votat me postë edhe votat e personave me nevoja te veçanta.

© SYRI.net

Lexo edhe:

Komentet

Shto koment

Denonco