Në Kosovë, autoritetet hapën të hënën një fushatë që do të zgjasë deri në mesin e vitit të ardhshëm me qëllim të ndërgjegjësimit për ruajtjen e provave biologjike në rastet e përdhunimeve.

Sipas zyrtarëve të Institutit të Mjekësisë Ligjore, shumica e viktimave të këtij krimi janë të moshës 11 deri 16 vjeç, raporton VOA.

Në hapje të fushatës u ritheksua edhe domosdoshmëria e ndriçimit të krimit të përdhunimeve, gjatë kohës së luftës në Kosovë.