Koalicioni AAK-PSD nominon Ramush Haradinajn për kryeministër

Koalicioni AAK-PSD nominon Ramush Haradinajn për kryeministër

20:15, 07/09/2019

Koalicioni parazgjedhor Aleancë për Ardhmërinë e Kosovës dhe Partia Socialdemokrate, ka nominuar Ramush Haradinaj kandidat për kryeministër të Kosovës, raporton Syri.net Kosova.

Në ceremoninë e nominimit në sot në Prishtinë, u tha se këto dy parti bashkë do ta arrijnë ta bëjnë Kosovën 100% shtet.

Ramush Haradinaj tha se në listën për deputetë kanë futur njerëzit me përkushtim që do ta rrisin punësimin në Kosovë.

“Lista e deputetëve është Lista e shtëpisë, janë njerëz të shtëpisë të Kosovës, njerëz të pragut të Kosovës, njerëz të përkushtimin, njerëz që e rrisim punësimin, që e bëjnë Kosovën Kosovë, me mundësi të barabarta”, tha ai.

Kryetari i Partisë Socialdemokrate, Shpend Ahmeti tha se për ta bërë Kosovën 100% shtet, nevojitet 100% guxim, dije e përkushtim.

“Na duhet 100% guxim, dije e përkushtim. Presionin na bënin edhe në Kosovë për heqje të taksës, edhe nga koalicioni që e ka pas. Sikur edhe taksa, nevojitet 100% guxim. Duhet ta mbrojmë punëtorin, ta rrisim pagën minimale. Për ta zhvilluar Kosovën nevojitet dije. 100% përkushtim. Nuk është ky sport i lehtë, nuk është garë e shkurtë, edhe 20 vjet pas luftës dikush po mundohet ta vë në pyetje shtetin e territorin tonë. Për ta mbajtur Kosovën 100% shtet, nevojitet 100% guxim, dije, përkushtim që ky koalicion e ka. Jetojmë në një kohë që kapësit e shtetit na folin për çkapje të shtetit, ata që frikësohen na flasin për mbrojtje të kufijve. Lehtë është me kritiku, por vështirë është me marrë vendime e me pas guxim”, tha ai. /Syri.net Kosova

 

© SYRI.net

Lexo edhe:

Komentet

Shto koment

Denonco