Sot në Qendrën Klinike dhe Universitare të Kosovës, ka ndërruar jetë edhe personi katërt nga aksident trafiku që ndodhi me datën 26 të muajt të kaluar në fshatin Bërnjak të Rahovecit.

Lajmin për Klan Kosova e ka konfirmuar Lirie Podrimaj, zëdhënëse e Policisë për rajonin e Gjakovës.

‘Me datë 06.08.2019, në ora 15:30 Policia është informuar nga mjeku kujdestar në QKUK- Prishtinë se i lënduari në aksident trafiku me 26.07. 2019. L.J i lindur në vitin 1973, për shkak të lëndimeve të marra ka ndërruar jetë.’

Lidhur me rastin është njoftuar prokurori kujdestar, dhe me urdhër të tij trupi i viktimës është dërguar në Institutin e Mjekësisë Ligjore për Autopsi.