Thaçi nuk i ndahet idesë së korrigjimit të kufijve, ‘nxjerr zbuluar’ edhe Ramën! Ja çfarë shkruan ai pas takimit me kryeministrin

Thaçi nuk i ndahet idesë së korrigjimit të kufijve, ‘nxjerr zbuluar’ edhe Ramën! Ja çfarë shkruan ai pas takimit me kryeministrin

18:21, 08/05/2019

Presidenti i Kosovës, Hashim Thaçi shkruan se sapo ka përfunduar një takim me kryeministrin e Shqipërisë, Edi Rama, me të cilin ka ndarë sipas tij, nevojën për korrigjimin e kufijve.

Pavarësisht se kjo tezë nuk gjeti mbështetje në samitin e Berlinit dhe Presidenti serb, Aleksandër Vuçiç pranoi publikisht hedhjen poshtë të saj, Presidenti i Kosovës e risjell sërish atë për opinionin publik.

“Sapo zhvillova një takim me kryeministrin e Republikës së Shqipërisë, Edi Rama, ku mes tjerash biseduam për domosdoshmërinë e hapjes së plotë të kufirit Kosovë-Shqipëri dhe krijimin e një hapësire shqiptare pa kufi, nën ombrellën euroatlantike. Në këtë takim ngritëm nevojën e korrigjimit të padrejtësive historike, duke bashkuar faktorin shqiptar rreth sensibilizimit të së drejtës të bashkëngjitjes së Preshevës, Medvegjës dhe Bujanocit me territorin e Republikës së Kosovës”, shkruan Thaçi në Facebook.

 

© SYRI.net

Lexo edhe:

Komentet

Shto koment

Denonco