Ka nisur organizimi i përvitshëm “Java e Grave”, ku morën pjesë figura të ndryshme nga shoqëria civile, ekzekutivi, ambasadat etj, duke përfshirë edhe kryeministrin Ramush Haradinaj dhe ambasadori amerikan, Philip Kosnett.
Haradinaj tha se Kosova qëndron mirë sa i përket barazisë gjinore, megjithatë ka ende punë për t’u bërë.
“Për fat sot kemi dy ministre gra. Ka qenë një proces mjaft i vështirë në fillim në formimin e qeverisë”.
“Në plot rrafshe dhe në plot drejtime Kosova nuk bën përjashtim nga shoqëritë euroatlantike. Pozicioni apo liria gjinore – po e quaj kështu – ka përparim të caktuar”.
Haradinaj gjithashtu vlerësoi se veprimet e përbashkëta, siç është organizimi i “Javës së Grave”, janë momente të mira për t’i vlerësuar të arriturat dhe për të nxjerrë rekomandime të reja për institucionet, për vendimmarrësit e për partitë politike.
Ambasadori Philip Kosnett theksoi se barazia gjinore është punë për te gjithë dhe përgjegjësi e të gjithëve, jo vetëm e grave.
Ai tha se Kosova ka shembuj pozitiv, përderisa paraqiti edhe sfidat dhe problemet sa i përket barazisë gjinore – duke marrë shembull edhe SHBA-të.
Kosnett theksoi se 50% e popullsisë kosovare, duka iu referuar grave, vazhdimisht pengohen në aspektin politik, ekonomik dhe shoqëror. Megjithatë, sipas tij, ka përmirësime.
“Përfshirja e grave është diçka që vetë kosovarët duhet ta vendosin. Ndryshimi është i mundshëm. Përkundër sfidave institucionale dhe shtetërore gratë në Kosovë po bëjnë punë të mëdha”.
© SYRI.net