Dogana rrit numrin e kontrolleve në tërë territorin e Kosovës

Dogana rrit numrin e kontrolleve në tërë territorin e Kosovës

10:49, 12/03/2019

Në vazhdën e aktiviteteve për luftimin e kontrabandës, gjatë javës së kaluar zyrtarët doganorë kanë ndërmarrë një mori aktivitetesh në të gjithë territorin e Kosovës.
Dogana ka rritur numrin e kontrolleve fizike ndaj automjeteve, mallrave dhe personave.    

“Gjatë kësaj kohe janë ushtruar 507 aktivitete në tërësi duke filluar nga kontrollimet si dhe deri te patrullimet. Rritja e kontrolleve dhe patrullimeve ka rezultuar me 18 kundërvajtje si të personave fizikë po ashtu edhe të subjekteve juridike”, thuhet në një njoftim të Doganës së Kosovës.

Këto aktivitete kanë rezultuar me zbulimin e 18 rasteve mallrave të dyshimta kontrabandë, kryesisht pije alkoolike dhe jo-alkoolike, ushqime të gatshme dhe teknikë të ndryshme, vlera e të cilave është 25 mijë euro. Gjithashtu, siç e parashohin dispozitat relevante ligjore, është aplikuar masa e sekuestrimit të automjeteve transportuese në sasi prej 2 copë.

 

© SYRI.net

Lexo edhe:

Komentet

Shto koment