I pari i ekzekutivit, Ramush Haradinaj, gjatë ditës së sotme e ka pritur në takim ambasadorin amerikan në Prishtinë, Philip Kosnett.

Kryeministri Haradinaj, është shprehur se me ambasadorin amerikan folën për angazhimet e dy shteteve për avancimin e agjendës euro-atlantike të Kosovës, transmeton Syri.net Kosova.

“Marrëdhënia e ngushtë ndërmjet Kosovës dhe Amerikës është e pacenueshme, pa marrë parasysh dallimin eventual në opinione”, ka shkruar kryeministri Haradinaj në Facebook.