Kryeministri i Kosovës Ramush Haradinaj ka deklaruar se Qeveria synon me këmbëngulje t’i aktivizojë resurset ekonomike të vendit.  Ai ka thënë se brenda muajit pritet të votohet ligji për Statutin e Trepçës, me anë të këtij ligji Trepça pritet të shndërron në kompani ligjore në funksion të zhvillimit ekonomik të Mitrovicës dhe tërë Kosovës, raporton Syri Kosova.

Haradinaj ka thënë se Kosova sipas Bankës Botërore është e para në rajon për rritjen ekonomike prej 4.5%.

Më tutje Haradinaj ka shtuar se vendimet e mëdha të Qeverisë që ai udhëheqë po reflektohen në rritje të besimit për partin e tij AAK-në, transmeton Syri Kosova.

Këto deklarata kryeministri Haradinaj i bëri përmes llogarisë së tij në Facebook.