Ministri serb: Çdo ditë e më shumë po e humbim Kosovën

Ministri serb: Çdo ditë e më shumë po e humbim Kosovën

11:08, 02/12/2018

Ministri i Jashtëm serb Ivica Daçiç në një intervistë për të përditshmen serbe ‘Kurir’ ka folur për taksën 100% të Kosovës ndaj produkteve serbe.

Ai tha se s’mund të ketë dialog pa heqjen e kësaj takse, ndërsa kryediplomati serb e pranon që ‘po e humbin Kosovën’.

Ai ka kërkuar nga Bashkimi Evropian që të bëj presion për heqjen e pakuptimtë të taksës ndaj produkteve serbe.

Ministri tha se nëse tre vite më parë BE ka arritur që të heq bllokadën e Kroacisë në kufi me Serbinë, atëherë mund ta bëjë edhe me Prishtinën.

Po ashtu shtoi se nuk ka qeveri në botë që nuk ka kërkuar heqjen e taksës, duke përfshirë BE-në dhe SHBA-të. Sipas tij vetëm qeveria shqiptare mendon ndryshe rreth kësaj çështje.

Ndërsa në pyetjen se a vazhdon që Prishtina ta ketë ende përkrahjen e fuqive botërore pas vendosjes së taksës, ministri serb u përgjigj: ‘Ndoshta e kishte, por nuk e ka më.’

‘Serbia nuk e marrë ndonjë kundërmasë sepse ne respektojmë marrëveshjet.’, u shprehë Daçiç. Kurse për deklaratën e kryeministrit të Kosovës Ramush Haradinaj se taksa nuk hiqet deri në momentin kur Serbia ta njohë Kosovën, Daçiç tha se Haradinaj flet për shumë gjëra që nuk ndodhin.

Ndërsa për dialogun tha se deri sa të hiqet taksa dhe të normalizohet gjendja nuk mund të ketë bisedime.’Çdo dialog deri sa të normalizohet situata nuk do të kishte kuptim.’ U shprehë ai.

‘Çdo ditë pa një zgjidhje, ne jemi një ditë më afër humbjes së Kosovës’, përfundoi Ivica Daçiç.

© SYRI.net

Lexo edhe:

Komentet

Shto koment

Denonco