Ambasadori gjerman në Serbi: Berlini mbështet anëtarësimin e Kosovës në Interpol

Ambasadori gjerman në Serbi: Berlini mbështet anëtarësimin e Kosovës në Interpol

12:47, 14/11/2018

Ambasadori gjerman në Serbi Tomas Schieb tha sot se Berlini mbështet anëtarësimin e Kosovës në Interpol, pasi beson se mund të kontribuojë në luftën kundër krimit.

"Interpoli është i rëndësishëm në luftën kundër krimit. Ne besojmë se policia e Kosovës mund të kontribuojë në këtë luftë dhe ne nuk mendojmë se ka një implikim për statusin", tha ai, transmeton KP.

Sipas tij, ekziston një qëndrim se kjo mund të zgjidhet përmes UNMIK-ut, "por sigurisht kjo zgjat më shumë se nëse Policia e Kosovës do të ishte anëtare e Interpolit".

“Kjo me të vërtetë do të kontribuonte në efikasitet”, tha Schieb duke shtuar se anëtarësimi në Interpol nuk kërkohet nga Kosova, por nga Policia e Kosovës. Për anëtarësimin e Kosovës do të votohet në Asamblenë e Përgjithshme të Interpolit, e cila do të mbahet nga 18 deri më 21 nëntor në Emiratet e Bashkuara Arabe.

 

© SYRI.net

Lexo edhe:

Komentet

Shto koment

Denonco