Presidenti i Kosovës Hashim Thaçi e ka shprehur mendimin e tij për disa nga liderët politik kosovarë. Për kreun e Vetëvendosjes Albin Kurtin, Thaçi nuk pati asnjë mendim. Në një emision në Klan Kosova tha: ‘Nuk mendoj hiç, s’kam asnjë arsye të mendoj’.

Për kryetarin e LDK-së Isa Mustafën, Presidenti tha se ka një bashkëpunim shumë të mirë me të poashtu i uroi gjithë të mirat për shëndetin e tij.

Më pas, Thaçi foli edhe për Fatmir Limajn, për të cilin tregoi edhe njëherë se ka qenë bashkëluftëtari i tij përballë Serbisë.

‘I kemi ndihmuar dhe e shpëtuam njëri-tjetrin. Edhe e dua edhe e kam shok. Gjithmonë do ta respektoj sakrificën e përbashkët për liri dhe pavarësi’, tha Thaçi.