"Novosti" shkruan sot për presionin e brendshëm mbi presidentin e Serbisë, Aleksandar Vuçiç pas paralajmërimeve për krijimin e ushtrisë së Kosovës.

"Nëse formohet ushtria e Kosovës, presidenti i Serbisë, Aleksandar Vuçiç do të jetë nën presion të madh të brendshëm nga autoritetet e Beogradit për ta shpallur okupimin e Kosovës, sepse sipas të gjitha marrëveshjeve, vetëm KFOR-i mund të jetë në atë territor si forcë ushtarake, shkruan “Novosti”.

E përditshmja serbe i ka kushtuar numrin e sotëm të ballinës presidentit Vuçiç duke cituar burime brenda krerëve të shtetit që kanë marrë mbështetje edhe nga bashkëpuntorët më të afërt të pozitave më të larta në Serbi, transmeton lajmi.net.