Shefi i grupit parlamentar të LDK-së Avdullah Hoti ka thënë se aktualisht janë duke punuar për inicimin e mocionit kundër Qeverisë dhe beson se në seancat e ardhshme do të votohet mocioni.

Hoti këto deklarata i bëri pas mbledhjes së Kryesisë në të cilën u vendos që nesër të mbahet seancë e jashtëzakonshme e thirrur nga opozita për ratifikimin e tri marrëveshjeve ndërkombëtare.

Shefi i deputetëve të LDK-së deklaroi se ata punojnë brenda institucioneve dhe nëse ata vlerësojnë dhe vjen koha për protesta atëherë do ta marrin vetë përsipër. Sipas Hotit arrogancës së koalicionit PAN shpejt do t’i vije fundi.