Krim në familje, burri vret gruan më pas edhe veten, detaje

Krim në familje, burri vret gruan më pas edhe veten, detaje

15:30, 19/06/2018

Nje ngjarje e rëndë ka ndodhur  sot gjatë ditës në kreyqtetin e Ksoovës. Krimi në familje ka goditur sërsih. Raportohet se burri ka vrarë gruan dhe më pas ka qëlluar mbi veten e tij. Ngjarja ka ndodhur mesditën e të martës në lagjen "Kolovicë" në Prishtinë.

Bëhet fjalë për vdekje të dyfishtë. Një burrë i moshës 73 vjeçare ka qëlluar me armë zjarri në drejtim të gruas së tij duke i shkaktuar plagë vdekjeprurëse dhe më pas dyshohet se ka vrarë edhe veten.

Ngjarja konfirmohet nga zëdhënësja e policisë për Rajonin e Prishtinës, Flora Ahmeti.

“Rreth orës 12:30 kemi marrë informatë së në rrugën “Fitim Duraku” ka pasur të shtëna armësh. Me të dalë në vendin e ngjarjes, është gjetur një trup i pajetë i një burri, kurse gruaja që ka qenë e plagosur nga arma e zjarrit është nisur për në QKUK, por që rrugës ka ndërruar jetë”, ka thënë zëdhënësja e policisë për rajonin e Prishtinës Flora Ahmeti.

Ajo ka thënë se dyshohet që burri ka qëlluar me armë në drejtim të gruas së tij dhe pastaj mbi veten.

Ja çfarë thuhet në njoftimet e policisë për ngjarjen e rëndë:

“Me të dalë në vendin e ngjarjes policia ka hasur në dy persona njëri (mashkull) i vrarë nga arma e zjarrit dhe një (femër) e plagosur, e cila po ashtu ka ndërruar jetë pasi që nuk ka arrit t’u përballojë plagëve të shkaktuara nga arma e zjarrit”.

“Vdekjen e viktimës H.C. burrë – 73 vjeç, e ka konstatuar ekipi mjekësor në vendin e ngjarjes, ndërkohë që vdekja e viktimës Z.C. grua – 66 vjeç, është konstatuar nga ekipi  mjekësor në QKUK”, thuhet në kumtesën e policisë lidhur me rastin.

 

“Bazuar në  hetimin preliminar të kryer nga hetuesit rajonal dhe krimteknika, është ngritur versioni  se fillimisht është plagosur viktima Z.C.  nga personi H.C dhe më pas  ky i fundit dyshohet  se ka kryer vetëvrasje me armë zjarri e cila edhe është gjetur në afërsi të tij”.

Hetuesit e policisë thuhet se janë duke u marrë intensivisht për  të ndriçuar dhe sqaruar të gjitha rrethanat që kanë të bëjnë me krimin e rëndë.

 

© SYRI.net

Lexo edhe:

Komentet

Shto koment

Denonco