Ka përfunduar pjesa e parë në Pragë në “Eden” ku Slavia Pragës po fiton kundër Ballkanit me rezultat 3-2.
Stivi Frashëri (26’ autogol), Olayinka (34’) dhe Masopust (41) shënuan për Slavian kurse Ballkani dy herë kaloi në epërsi me golat e Ermal Krasniqit (23’) dhe Korenica (29’)
Një pjesë e parë me shumë gola që ka mundur edhe të fitohet nga kampioni kosovar nëse do të ishin paksa më të kujdesshëm në mbrojtje.
Slavia e filloi fuqishëm duke goditur shtyllën në minutën e 4 të ndeshjes, por më tej Ballkani dinte të dilte në sulm.
Të parët që shënuan ishin Ballkani në minutën e 23-të. Një aksion i mirë konkludoi me gol të Ermal Krasniqit me asistimin e Armend Thaqit.
Tre minuta më vonë Stivi Frashëri reagoi dobët nga goditja e Jurasek për të shkaktuar një autogol.
Por Ballkani do të kalonte përsëri në epërsi me golin e Korenicës në minutën e 29-të e ku u asistua nga Rrahmani.
Sllavia shënoi edhe dy gola për ta përmbysur skuadrën e Ballkanit me rezultat 3-2.
Olaynka shënoi golin e barazimin në minutën e 34-të kurse Masopust atë të epërsisë në minutën e 41-të.
© SYRI.net