UEFA ka publikuar orarin e ndeshjeve për edicionin e tretë të Ligës së Kombeve, të cilat do të zhvillohen në qershor dhe shtator të vitit të ardhshëm.
Kombëtarja e Kosovës do ta nisë këtë edicion në Ligën C, si mysafire me ndeshjen kundër Estonisë ose Qipros, më 2 qershor.
Këto dy ekipe në muajin mars do të luajnë ndeshjen e ‘play-aut’-it dhe fituesi i këtij dueli do t’i vazhdojë garat në Ligën C, ndërsa humbësi në Ligën D.
Muaji qershor do të jetë i ngjeshur për “Dardanët”, pasi do të luajnë edhe tre ndeshje tjera.
Më 5 qershor në stadiumin “Fadil Vokrri” do të presin Greqinë, kurse më 9 qershor do të luajnë kundër Irlandës së Veriut.
Ndeshjet e këtij muaji Kosova i mbyll si mysafire në duel me Greqinë, më 12 qershor.
Ndërkaq, në vjeshtë Kosova fillimisht luan si mysafire e Irlandës së Veriut, më 24 shtator dhe tre ditë më vonë në shtëpi pret Qipron ose Estoninë.
Fituesi i Grupit C2 do të promovohet në Ligën B për edicionin e ardhshëm të Ligës së Kombeve.
© SYRI.net