FIFA ka përditësuar ditën e sotme renditjen e kombëtareve në futboll.

Kombëtarja shqiptare ka humbur dy pozicione në tabelën e klasifikimit ku nga vendi i 67 ka zbritur në vendin e 69-të, duke lënë pas Bullgarinë, Izraelin apo edhe Maqedoninë e Veriut.

Përfaqësuesja e Kosovës ka arritur të ngjitet në 7 pozicione, ku nga vendi i 122-të tani renditet në vendin e 115-të.

Vendin e parë në këtë renditje e mban Belgjika, në vendin e dytë ndodhet Brazili dhe podiumin e përfundon Franca nga ku ngjit 5 pozicione.

Në vendin e katërt renditet Anglia, Italia në të pestin, Argjentina në të gjashtin, Spanja në vendit e shtatë, Portugalia në vendin e tetë, Meksika në të nëntin dhe “TOP 10” e mbyll SHBA.