Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

FOTO/ Miqësore Kosovë-Shqipëri, veteranët e futbollit zbresin në fushë

FOTO/ Miqësore Kosovë-Shqipëri, veteranët e futbollit zbresin në fushë

18:31, 15/02/2021
A+ Aa A-

Veteranët e futbollit të Kosovës dhe Shqipërisë do të zhvillojnë një miqësore me rastin e Ditës së Pavarësisë së Kosovës.

Ndeshja miqësore mes ish-futbollistëve të të dy vendeve do të luhet të martën më 16 shkurt 2021 në orën 12:00 në stadiumin e KF 2 Korrikut.

Federata Shqiptare e Futbollit në bashkëpunim me Federatën e Futbollit të Kosovës ka bërë të mundur organizimin e kësaj ndeshjeje, që do të shohë të zbresin në fushë disa nga emrat më të mëdhenj të futbollit të dy vendeve tona në këtë sfidë simbolike.

Në listën e lojtarëve të ftuar për këtë ndeshje në radhët e kuqezinjve janë emra si Blendi Nallbani, Artur Lekbello, Elvin Beqiri, Nevil Dede, Ervin Fakaj, Ansi Agolli, Armend Dallku, Debatik Curri, Klodjan Duro, Altin Lala, Alban Bushi, Erjon Bogdani, Agustin Kola, Bedri Omuri, Ardjan Aliaj, Afrim Tole, Altin Haxhi, Geri Çipi, Hysen Zmijani, Redi Jupi apo Skënder Gega, ndërkohë që në stol do të jenë dy emra të tjerë të mëdhenj Sulejman Mema dhe Sulejman Demollari.

Për shkak të situatës së krijuar nga pandemia apo edhe impenjimeve personale një pjesë e ish-futbollistëve të Kombëtares të kontaktuar nga FSHF për këtë ndeshje e kanë pasur të pamundur pjesëmarrjen.

 

Image

© SYRI.net

Lexo edhe:

Komentet

Shto koment

Më të lexuarat
Denonco