Vedat Muriqi është duke kaluar një periudhë shumë të mirë këtë sezon, teksa ka treguar paraqitje të shkëlqyera me Fenerbahçen në Turqi.

Pikërisht paraqitjet e shkëlqyera të sulmuesit të Kosovës nuk kanë kaluar pa u vënë re nga klubet e kampionateve të mëdha.

Lazio dhe Napoli e ndjekin prej kohësh futbollistin dhe do të përpiqen ta afrojnë në verë, por nuk janë vetëm këto dy ekipe që duan shërbimet e sulmuesit.

Interes për Muriqin kanë shfaqur edhe 3 ekipe angleze. Bëhet fjalë për Tottenham, Cristal Palace dhe Leicester.

Të 3 këto klube e pëlqejnë shumë sulmuesin kosovar dhe do përpiqen ta bëjnë pjesë të tyre.