Kryeministri i Kosovës, Albin Kurti, në mbledhjen e Qeverisë së Kosovës që po mbahet aktualisht ka njoftuar se është vendosur që të pezullohen të gjitha aktivitetet sportive e kulturore, për shkak të frikës së përhapjes së koronavirusit.

“Ndërprerja e të gjitha aktiviteteve kulturore sportive”, tha Kurti teksa lexonte gjitha masat që ka ndërmarrë Qeveria e Kosovës.

 

Kështu, Superliga e Kosovës në futboll, basketboll, hendboll dhe të gjitha sportet tjera (përfshirë të gjitha nivelet) do të anulohen.

Nuk dihet akoma se deri kur do të vazhdojnë këto masa të caktuara sot.

Në Kosovë sot dy perona rezultuan të infektuar me Covid-19. Bëhet fjalë për një italiane 20 vjeçare, dhe një 77 vjeçar nga Kosova.