Interi ka nënshkruar me një 16-vjeçar shqiptar. Bëhet fjalë për Andi Hotin, i cili është me origjinë nga Kosova, por i lindur dhe i rritur në Zvicër.
Sipas mediave italiane, Hoti ka firmosur me zikaltrit deri në vitin 2022.
Ai luan si mbrojtës qendre dhe deri pak ditë më parë ka qenë pjesë e Zyrih U-18.
Tashmë ai do të luajë për të rinjtë e klubit të madh italian. Hoti është gjithashtu pjesë e Kosovës U-17, duke u aktivizuar në dy ndeshje eliminatore vitin e kaluar.
Edhe pse vetëm 16 vjeç, mbrojtësi ka një shtatlartësi për t’u admiruar, 1.91 metra.
Fillimisht Hoti zgjodhi Shqipërinë U-17, ku luajti gjithashtu 2 ndeshje, por pak muaj më pas u bind nga ftesa e Kosovës.
© SYRI.net