Pritja që Kosova i bëri Anglisë, por edhe sjellja e tifozëve vendas në shkallët e stadiumit “Fadil Vokrri” kanë mahnitur edhe vetë lojtarët e Anglisë.
Njëri prej tyre është mbrojtësi më i shtrenjtë i blerë ndonjëherë nga ndonjë klub futbolli, pikërisht Harry Maguire.
Ylli i Manchester United ka mbetur i surprizuar nga pritja që i është bërë kombëtares angleze në Kosovë dhe nga flamujt dhe banderolat e shumta që kanë shfaqur tifozët në shenjë falenderimi.
Në profilin e tij në Twitter Maguire ka publikuar një mesazh falenderimi për popullin kosovar, në të cilin shkruan: “Kosovë ishte një kënaqësi. Faleminderit për mikpritjen e mrekullueshme. Vend i bukur, njerëz të dashur. Ju uroj fat në të ardhmen”.
© SYRI.net