Kosova ka mposhtur minimalisht 1-0 Gjibraltarin në “Fadil Vokrri”, në një ndeshje përgatitore para asaj kundër Malit të Zi.

Trajneri Bernard Challandes pas sfidës deklaroi: “Nuk mund të them se jam i kënaqur me rezultatin 1-0, por kjo skuadër mbrohet mirë, dhe problem kemi pasur të konkretizimi i rasteve. E kemi ditur se do të jetë një ndeshje e veçantë, se ne do të kemi topin dhe ata do të mbrohen, ishte një ndeshje e mirë, ajo që mungoi ishin golat në fund të aksioneve”.