Kosova u përball me Anglinë ditën e djeshme në stadiumin e Southampton, ndeshje të cilën e humbën me rezultatin 5-3.
Pavarësisht humbjes, Përfaqësuesja kosovare zhvilloi një ndeshje shumë të mirë, teksa arriti t’i shënojë 3 gola Anglisë brenda në stadiumin e tyre, diçka që nuk e kishte bërë asnjë kombëtare tjetër që nga viti 2007, në një ndeshje zyrtare.
Një nga lojtarët më të mirë të Kosovës ditën e djeshme ishte Valon Berisha, i cili arriti të shënojë 2 herë për kombëtaren e tij.
Kjo paraqitje e 26-vjeçarit nuk kaloi pa rënë në sy të ndërkombëtarëve.
UEFA ka zgjedhur Berishën si një nga 4 futbollistët me paraqitjet më të mira ditën e djeshme.
Së bashku me yllin kosovar është edhe Cristiano Ronaldo, Jadon Sancho dhe Cenk Tosun.
Në postimin në “Twitter”, UEFA shkruan: “Performanca më e mirë individuale, mbrëmjen e djeshme?”.
© SYRI.net