Bernard Berisha është kthyer në formën më të mirë te Akhmat Grozni dhe këtë e ka treguar duke u bërë protagonisti kryesor i suksesit të kësaj skuadre në ndeshjen e parë të kampionatit, ndaj Krasnodar.
Në sfidën e javës së parë të kampionatit, një gol i Berishës ka mjaftuar që Akhmat të siguronte tri pikët, për të nisur sa më mbarë këtë edicion.
Në fakt, Berisha ishte protagonist që në minutën e 10-të të duelit, por aty duke humbur një penallti të cilën e kishte fituar po vetë.
Ai goditi në duart e portierit kundërshtar tentativën e tij nga pika e bardhë duke shpërdoruar këtë mundësi të mirë për të kaluar në avantazh skuadrën.
Gjithsesi, ai shleu gabimin me një supergol në minutën e 28-të të ndeshjes, duke realizuar me një gërshërë që gjeti në kundër kohë portierin që e devijoi lehtë dhe e pa sferën të shkonte në rrjetë.
Ky ishte goli i vetëm i sfidës, ku Odise Roshi e nisi ndeshjen nga stoli për t’u aktivizuar vetëm në minutën e 87-të.
© SYRI.net