Ashtu si Feronikeli, edhe Prishtina do të ketë përballë një skuadër nga Gjibraltari në raundin pareliminator të Europa League.

Shorti i hedhur sot në mesditë në Nyon të Zvicrës e vendosi Prishtinën përballë ekipit të St Joseph’s.

Një kundërshtar mëse i pranueshëm për skuadrën e Mirel Josës, që edhe sezonin e kaluar eliminoi në raundin paraeliminator të Europa League një skuadër nga Gjibraltari, pikërisht Europa Fc me rezultat të përgjithshëm 6-1.

Ndeshjen e vajtjes, Prishtina do ta luajë në shtëpi në datën 27 qershor, ndërsa atë të kthimit një javë më vonë në datën 4 korrik në Gjibraltar.