Pas fitimit të kampionatit në javën e fundit ndaj Prishtinës, skuadra e Feronikelit tregon edhe njëherë tjetër dominimin në Kosovë.
Ditën e sotme, ekipi nga Drenasi fitoi thellë, me shifrat 1-5 finalen e Kupës, përballë Trepçës 89.
Ekipi kampion shënoi dy herë ne Fazliun dhe Hotin, teksa kishin kaluar vetëm 27 minuta lojë.
Në pjesën e dytë, në minutat 66 dhe 70 shënuan dhe Morina e Rexha, për të blinduar edhe këtë trofe.
Muja vetëm sa shënoi për statistikë nga radhët e Trepçës në minutën e 73-të, ndërkohë që Rexha në të 91-tën, plotësoi “manitan” për Feronikelin.
Nga ana tjetër, edhe pse humbi kampionatin, është Prishtina që buzëqesh pas fitores së Feronikelit edhe në Kupë.
Ekipi i Josës, pasi u rendit i dyti, është ekipi i dytë në Kosovë që shkon në Kupat e Europës, pasi Feronikeli i fitoi të dyja trofetë, që të mundësojnë një vend për në Europë.
© SYRI.net