Skuadra kampione e Kosovës, Feronikeli, do të marrë pjesë në raundin para eliminator të Champions League, ku do të përballet me skuadrat e kampionateve me koeficient të ulët.

Skuadra nga Drenasi ka mësuar kundërshtaren e parë, që është kampionia e Andorrës, Santa Coloma.

Ekipi i drejtuar nga Zekirija Ramadani do të provojë forcat me këtë ekip më 25 qershor në stadiumin “Fadil Vokrri”.

Në rast se e fitojnë këtë takim, “industrialët” në finale do të luajnë me fituesin e përballjes mes Lincoln Reds Imps dhe kampionit të San Marinos, që ende nuk është përcaktuar.