Edhe pse kanë mbetur edhe rreth katër muaj nga ndeshja me Anglinë, në Kosovë kanë nisur shitje e biletave.
Skuadra dardane do të jetë mike e Kombëtares së “Tre Luanëve” mbrëmjen e 10 shtatorit, takim që mund të vendos edhe rekord sa i përket tifozëve.
Rreth 1600 tifozë kosovarë pritet të udhëtojnë drejt gadishullit, rekord ky për tifozët e kombëtares dardane.
Sipas zv/sekretarit të FFK-së, Arianit Ahmeti, Federata e Anglisë e ka për detyrë të rezervojë 5% të biletave për tifozët e Kosovës.
Deri tani Kosova asnjëherë nuk ka udhëtuar në formë të organizuar me tifozë në një ndeshje jashtë vendit, por ndaj Anglisë mund të jetë hera e parë.
Megjithatë, që kjo të ndodhë duhet të plotësohen disa kushte.
"Sipas rregullores së UEFA-së, ata janë të obliguar që të ndajnë 5% të biletave për tifozët tanë, nëse Federata i kërkon. Nëse shkojmë, FFK-ja duhet të dërgoj atje stjuardë dhe policë që do të garantojnë sigurinë e tifozëve tanë. Ka interesim të madh nga tifozët por kjo është kompetencë e Komitetit Ekzekutiv që të vendosë pro apo kundër", deklaroi Ahmeti për Indeksonline.
Ndeshja Angli-Kosovë zhvillohet me 10 shtator në stadiumin e "Southamptonit St. Mary’s". Kapaciteti i këtij stadiumi është 32,505 ulëse dhe 1,600 ulëse i takojnë tifozëve "Dardanë".
© SYRI.net
Vëllezër shqiptar të DARDANIS, bëni çmos të dilni me emrin DARDANI ,jo emrin sllav Kosov. Para DARDANIA