Kosova do të presë Bullgarinë në stadiumin “Fadil Vokrri” të Prishtinës më 25 mars në ndeshjen e parë kualifikuese të “Euro 2020”.
Nëse u referohesh historisë së përfaqësueseve, sigurisht që bullgarët janë të avantazhuar, por analiza që u bëhet futbollistëve në skuadrat respektive tregon krejt të kundërtën.
Lista e Bullgarisë është me emra krejt të panjohur, madje futbollisti i vetëm që luan në ligat e forta europiane është Kiril Despodov i Cagliarit.
Por edhe mbrojtësi 22-vjeçar ka probleme fizike dhe e ka humbur takimin me “Dardanët”.
Lajmin për mungesën e “yllit” bullgar e ka bërë të ditur Federata e Futbollit e Bullgarisë, e cila ka njoftuar se Despodov ka qenë i detyruar të largohet.
Despodov, deri me tani ka pasur 5 paraqitje me Bullgarinë, dhe ka shënuar 1 gol.
Përballja ndërmjet Kosovës dhe Bullgarisë e cila do të luhet të hënën, do të jetë e para në histori të këtyre dy shteteve.
Për skuadrën e Bernard Challandes do të jetë prova më e rëndësishme që do të tregojë se çfarë pretendimesh duhet të kenë “Dardanët” në Grupin A kualifikues, ku bëjnë pjesë edhe Anglia, Republika Çeke dhe Mali i Zi.
© SYRI.net