Arbër Zeneli ka folur për interesimin e skuadrës turke, Fernerbahce, për shërbimet e tij.
Sulmuesi 23-vjeçar po kalon një formë të mirë këtë sezon me skuadrën holandeze, Heerenveen.
Përveç kësaj, Zeneli po shkëlqen edhe me fanellën e Përfaqësueses së Kosovës, duke shënuar shumë gola dhe dhënë asiste për bashkëlojtarët.
Paraqitjet e tij të mira me skuadrën dhe Përfaqësuesen kanë bërë që Zeneli të bëhet emër i lakuar në merkato.
Sipas mediave, Zeneli pëlqehet shumë nga gjiganti turk, Fenerbahce, të cilët kanë shprehur interesim për transferimin e tij.
Për këtë ka folur edhe vetë sulmuesi i Kosovës, i cili ka thënë se ka dëgjuar për interesimin e turqve dhe se ky është një nder i madh për të.
“Kam dëgjuar se për shërbimet e mia po interesohet Fenerbahce. Të lidhet emri im me një gjigant turk është një nder i madh për mua”, ka thënë Arbër Zeneli.
© SYRI.net