Gazetari Artan Hoxha në një shënim në Facebook, tregon të vërtetën e sondazheve që po nxjerrin mediat e Veliajt.
Ky konstatim i Hoxhës, vjen nga përvoja që ai ka në media, dhe nga dijenija e tij, se si bëhen e prodhohen të tilla sondazhe. Ai thotë se sondazhin e fiton ai që paguan paratë.
Ndaj, thotë Hoxha, ai nuk merr pjesë në emisionet e debatet që bëhen mbi këtë temë.
Si shembull, ka sjellë matësit që ka prodhuar Karlo Bolino.
Reagimi i plotë i Artan Hoxhes:
Nëse e keni vënë re këtë muaj, ekranet e televizioneve kanë qenë të përmbytura nga sondazhet për zgjedhjet lokale…
Në fakt kam refuzuar çdo ftesë të kolegeve, që të flas në emisionet tyre në lidhje me sondazhet elektorale.
Nuk i besoj kurrë sondazhet, sidomos ato që publikohen para zgjedhjeve.
Duke punuar në media për një kohë të gjatë, e di fare mirë si funksionon skema.
Sondazhin e fiton ajo force politike, e cila ka paguar paratë për televizionin që publikon sondazhin dhe pajton gjoja një kompani të huaj për të kryer sondazhin.
Pra është shumë e thjeshtë,
‘sondazhin e fiton ai që paguan paratë’…
Sondazhet më të besueshme janë ato që partitë politike i bëjnë për vete, por rezultati i këtyre sondazheve sekrete nuk publikohet kurrë, sepse në fakt ky lloj sondazhi është afër të vërtetës….
© SYRI.net