Ishte 17 dhjetori i vitit 2019 kur "Syri.net" - edicioni i Kosovës, filloi zyrtarisht punën në Prishtinë, duke i shtuar tregut medial në vendin tonë edhe një medie profesionale.
Krahas kësaj, hapja e "Syri.net Kosova" shtoi zërin opozitar dhe frikën ndaj së keqes, ku tash dy vjet shumë dukuri negative janë trajtuar në mënyrë profesionale duke ndikuar pozitivisht.
Funksionimi dyvjeçar i "Syri.net Kosova" ka mbetur larg ndikimeve politike e të tjerave, duke u renditur në majë të medieve të pavarura e profesionale, vërtetuar edhe nga raportet e fundit.
E këto rezultate të mira janë arritur falë punës së stafit në Prishtinë e Tiranë dhe mbështetjes me informacione jo të pakta nga të gjitha anët, duke e bërë "Syri.net Kosova", një ndër mediet lidere jo vetëm në Kosovë, por edhe në rajon.
"Syri.net Kosova", ashtu sikundër deri më tani do të vazhdojë rrugëtimin e saj profesional të pandikuar nga politika e të tjerët edhe përkundër sfidave me të cilat përballemi.
Njëra ndër sfidat më të mëdha ishte pandemia, e cila nisi të përhapet nga 13 marsi dhe vazhdon të na sfidojë edhe për një kohë, por fatmirësisht deri tani pa pasoja.
Për dy vjet funksionim, stafi i "Syri.net Kosova" falënderon të gjithë ata që ndihmuan në arritjen e këtyre rezultateve pozitive.
Puna dyvjeçare e funksionimit ka kaluar pa ndonjë problem i cili ia vlen të theksohet, duke shpresuar në rritjen e zgjerimin.
Përkushtimi ndaj lirisë së të shprehurit do të jetë një nga synimet e përhershme të “Syri.net Kosova” për suksese të vazhdueshme në informimin e opinionit, saktë, shpejt dhe më vërtetësi.
© SYRI.net