E shohim shumë aktive në rrjetet sociale. Është fjala për këngëtaren shqiptare, Enca Haxhia e cila po tregohet goxha shumë aktive në rrjetet sociale, sidomos në ‘Instagram’.

Së fundmi ajo ka publikuar një video teksa i ka falënderuar të gjithë për siç ka thënë’ që ia kanë bërë këtë verë të paharrueshme.

“Ditari veror i ‘CIAO’“ është titulli i videos, që ajo e ka publikuar në kanalin e saj zyrtar në YouTube. Ajo që na ka lënë përshtypje negative, është se ajo gjatë gjithë videos flet vetëm anglisht. Siç duket Enca ose ka harruar të flasë shqip, ose po e bënë për t’i rënë në sy publikut ndërkombëtar.

Këtë verë Enca Haxhia ka qenë shumë aktive në rrjetin social instagram, ku edhe ka ndarë fotografi të ndryshme me fansat e saj. Edhe në ato fotografi nuk mund ta gjesh kund ndonjë përshkrim të bërë në gjuhën shqipe.

Enca Haxhia, tashmë 21 vjeçare, është bërë e njohur në skenën shqiptare fal këngës së saj “A po t’pëlqen’. Ajo shpesh herë kritikohet për ekspozimin e tepruar të gjoksit, por siç duket këngëtarja nuk është se e vret shumë tririn për kritikat. Kënga “Ciao” është projekti i saj i fundit i cili ka marrë në YouTube, mbi 8 milion shikime.