Pasi u shtrua në spital të premten mbrëma pas një aksidenti në një pishinë në Spanjë, aktori Zac Efron siguroi fansat e tij me një postim. Ylli 36-vjeçar u gjet në pishinën e një vile në Ibiza pa ndjenja nga dy anëtarë të stafit, të cilët e nxorrën nga uji.

Megjithatë, përfaqësuesi i aktorit i tha TMZ se Efron u dërgua në spital si "masë paraprake". Efron thuhet se u lirua nga spitali të shtunën në mëngjes dhe tani është mirë.

Madje, në llogarinë personale në Instagram, ai ka publikuar një fotografi të tij pa bluzë, teksa stërvitet. Në të, ai shihet i shtrirë mbi një top ushtrimesh, ndërsa në duar mban dy shtanga.