Bëhet fjalë për këngëtaren Anjeza Shahini, e cila edhe pse jo aktive në muzikë kohët e fundit, do të vazhdojë të mbetet një nga zërat më të mirë dhe më të dashur për publikun shqiptar.

Anjeza, ndonëse larg skenës shqiptare, nuk mund të qëndrojë larg muzikës dhe këngës në asnjë mënyrë. Nëpërmjet rrjeteve sociale kemi vënë re se ajo vazhdimisht bëhet pjesë e eventeve shumë elitare e me shumë peshë në Britani. Këtë herë Anjeza ka kënduar në nder të Shoqatës së Familjarëve të Shërbimeve Diplomatike në një nga dhomat më prestigjioze të Londrës, në Dhomën e Lancaster.

Vetë këngëtarja ka thënë se ka qenë një nder për të që këndoi pikërisht në atë dhomë dhe në fakt ka shumë të drejtë për këtë.