Mbreti Charles III ka bërë daljen e tij të parë publike që kur u diagnostikua me kancer.

Monarku britanik 75-vjeçar, i cili po i nënshtrohet trajtimit të kancerit, doli në Kështjellën Windsor me gruan e tij Mbretëreshën Camilla, ditën e djeshme përpara Shërbimit vjetor të Pashkëve.

Mbreti këtë vit nuk mori pjesë në një pritje dhe as nuk shtroi një drekë private familjare pas shërbimit, me urdhër të mjekëve të tij.

Sidoqoftë, të gjithë vëllezërit e motrat e Charles ishin të pranishëm në shërbim, duke përfshirë princin  Andrew dhe ish-bashkëshorten Sarah Ferguson, së bashku me Princeshën Anne dhe Princin Edward.

Mungonin Kate Middleton, Princi William dhe tre fëmijët e tyre, të cilët nuk morën pjesë pas njoftimit të Princeshës së Uellsit se ajo po lufton gjithashtu me kancerin.

Në vend të kësaj, familja me pesë anëtarë shijoi një drekë private në rezidencën e tyre Anmer Hall në Norfolk.

Dalja e fundit e Charles vjen një javë pasi Middleton njoftoi publikisht diagnozën e saj të kancerit dhe zbuloi se ajo po i nënshtrohet "kimioterapisë parandaluese".

Charles, nga ana e tij, njoftoi diagnozën e tij në shkurt pasi iu nënshtrua një operacioni për prostatë.