Pas trazirave të muajve të fundit, ndoshta ka ardhur vërtet koha për fillime të reja për Ilary Blasi dhe Francesco Totti. E ndërsa ajo sapo është kthyer nga një udhëtim në Afrikën e Jugut me partnerin e saj të ri Bastian Muller, ai mori pjesë në një event së bashku me Noemi Bocchi-n.

Çifti u shfaq në tapetin e kuq të 'Ora vinco io', dokumentari për Marcello Lippi i cili sapo ka mbërritur në kinema.

Të buzëqeshur, më të lidhur se kurrë, Totti dhe Bocchi nuk iu shmangën fotografëve, siç kishte ndodhur në raste të mëparshme dhe u shfaqën shumë të relaksuar. Nuk është hera e parë që ata marrin pjesë në një event publik së bashku, por kjo ishte hera e parë që parakaluan bashkë në tapetin e kuq.

Francesco Totti dhe Noemi Bocchi janë bashkë prej disa kohësh, edhe pse koha e historisë së tyre nuk është shumë e qartë, falë thashethemeve të shumta për ta. Për Ilary Blasi të dy ishin takuar tashmë në vitin 2021, ndërsa për ish-futbollistin historia do të kishte nisur pas ndarjes me prezantuesen.

E sigurt është se lidhja e parë mes të dyve daton që nga ndeshja Roma-Genoa, e luajtur në Olimpico në shkurt të vitit 2022, pak para se të zyrtarizohej lajmi për ndarjen mes Blasit dhe Tottit. Noemi Bocchi është fotografuar në stadium, e ulur disa rreshta pas Pupone.

Ky i fundit më pas e ka mohuar përmes rrjeteve sociale, duke kërkuar respekt për fëmijët dhe familjen e tij. Fjalë të cilat megjithatë nuk kishin bërë gjë tjetër veçse i nxisnin më tej thashethemet, deri në konfirmimin dhe zyrtarizimin e historisë me të.