Muzikanti Peter ‘Peetah’ Morgan ka vdekur në moshën 46-vjeçare. Ikona e zhanrit reggae, i cili ishte si këngëtari kryesor i Morgan Heritage, vdiq të dielën, konfirmoi familja e tij.
Në një deklaratë të shpërndarë në rrjetet sociale, thuhet: “Me dashuri të sinqertë ju njoftojmë që burri ynë i dashur, babai, djali, vëllai dhe këngëtari kryesor i Morgan Heritage, Peter Anthony Morgan, ka vdekur sot më 25 shkurt”.
“Familja jonë ju falënderon paraprakisht për dashurinë dhe mbështetjen tuaj të madhe dhe ne kërkojmë lutjet tuaja të vazhdueshme ndërsa kalojmë këtë proces”, thuhet më tej.
Mesazhi përfundonte: “Gjithashtu kërkojmë që ju lutemi të respektoni privatësinë tonë gjatë kësaj kohe”.
Shkaku i vdekjes së Peter nuk është konfirmuar ende.
Peter, djali i këngëtarit të reggae, Denroy Morgan, themeloi Morgan Heritage në 1994 me vëllezërit e motrat e tij – Una, Roy, Nakhamyah dhe Memmalatel. Ata publikuan albumin e tyre debutues, “Miracles” në 1994 dhe vazhduan të fitonin fansat me këngët duke përfshirë “Faithful”, “Let’s Make Up” dhe “Perfect Love Song”.
Në vitin 2016, ata morën çmimin e tyre ‘Grammy’ për albumin më të mirë reggae.
© SYRI.net
The Kardashians rikthehet me një sezon të ri
'Lëre lëre, është vetëm një bluzë'/ E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin
Me Covid dhe pneumoni, shtrohet në spital ish-producenti famëkeq
Denonco
Merrni lajmet më të fundit nga SYRI.net në çdo moment dhe kudo që të jeni!
