Ylli Limani mbrëmjen e djeshme ishte përgatitur për të performuar për festën e Flamurit në një ‘club’ në Prishtinë.

Koncerti që Ylli do të mbante nuk e realizua dhe planet e tij dolën jashtë parashikimeve, pasi një alarm i rremë për bombë detyroi stafin të nxirrnin jashtë të gjithë pjesëmarrësit.

Ylli ka postuar në Instagramin e tij një reagim, pasi ai është detyruar ta anulojë koncertin:

“Sonte është festa më e madhe e të gjithë shqiptarëve, 28 Nëntori. Sot kemi pasur për të festuar bashkë. Pikërisht sot, pas një lajmërimi të rremë për eksploziv, eventi është anulluar! Po ndihem shumë keq për të gjithë ju që keni rezervuar dhe jeni bërë gati për të dalë. E gjithë kjo për shkak të ligësisë si njerëzve që kushedi se si e shikojnë të përfitojnë nga veprime të tjera”.