Kantautorja e njohur me famë ndërkombëtare, Rita Ora, e ka festuar 33-vjetorin e saj në zyrën e Kryeministrit të Kosovës, Albin Kurtit, më 26 nëntor në Prishtinë. E pritur së bashku me bashkëshortin e saj, Taika Waititi në zyrën e tij, takimi ka qenë i ngrohtë, i thjeshtë dhe emocional.

Albin Kurti e publikoi vetë videon e takimit me këtë shënim: "Diskutim për art, kulturë dhe film, për çfarë është bërë, për çka mund të bëjmë bashkë, me Rita Orën që festonte ditëlindjen, e rrethuar me njerëz krenar për të arriturat e saj."