YouTube ka vendosur të ndalojë përkohësisht komedianin Russell Brand që të fitojë para nga videot e tij pas akuzave të shumta për përdhunim dhe sulm seksual.

Në një deklaratë për CNN, YouTube tha se kishte "pezulluar fitimin e parave në kanalin e Russell Brand" për shkeljen e politikës së Përgjegjësisë së Krijuesit, e cila përcakton standardet për mënyrën se si krijuesit duhet të sillen brenda dhe jashtë platformës.

Të shtunën, media si The Sunday Times, The Times dhe Channel 4 publikuan një hetim të përbashkët në të cilin katër gra pretendonin se Brand i kishte sulmuar seksualisht, në incidente që dyshohet se ndodhën nga viti 2006 deri në vitin 2013. Njëra prej grave tha se ajo ishte 16 vjeç dhe Brand 31 asokohe.

Të premten, Brand paraprakisht i mohoi akuzat në një video të postuar në faqen në Instagram.