Me emrin e duhur R/P FLIP është një platformë e hapur kërkimore e oqeanit që mund të rrotullohet midis pozicionit horizontal dhe vertikal me vërtitjen e një butoni dhe shpesh ngatërrohet me një anije që po mbytet.

Në pronësi të Zyrës së Kërkimeve Detare të SHBA-së, FLIP (shkurtim për 'platformë instrumentesh lundruese') është një platformë kërkimore oqeanike 108 metra e gjatë, e krijuar për t’u përmbytur pjesërisht dhe për t'u kthyer 90° prapa, duke lënë vetëm fundin 17 metra mbi ujë në një pozicion vertikal, me pjesët kryesore që veprojnë si kuvertë.

R/P FLIP sillet si një vozë, që do të thotë se është praktikisht imune ndaj veprimit të valëve. Trupi i platformës është krijuar për t'i rezistuar përdredhjes. Pasi përfundon misioni i saj, ajri i kompresuar shtyhet në rezervuarët e mëdhenj, duke bërë që e gjithë platforma të kthehet përsëri në një pozicion horizontal.

Zhvillimi i platformës R/P FLIP filloi në vitin 1960, i frymëzuar nga një bisedë midis studiuesit Frederick H. Fisher dhe drejtorit të Laboratorit Fizik Detar, Fred N. Spiess.

I pari po ankohej për çështje të stabilitetit kur përdorte një nëndetëse për të kryer kërkimin e tij, gjë që e bëri Spiess të hidhte sugjerimin se përmbysja e një anijeje mund ta bënte atë më të qëndrueshme. Kjo ndezi një diskutim rreth fizibilitetit të një anijeje të tillë dhe në qershor të vitit 1962, Kompania Inxhinierike e Gunderson Brothers në Portland, Oregon prezantoi FLIP.

FLIP mund të notojë lirshëm në ujëra të hapura, ose mund të ankorohet në fund të oqeanit në thellësi deri në 5000 metra, një operacion që kërkon një ditë të tërë për t'u përfunduar, si dhe 50 tonë pajisje.

Kthimi nga një pozicion horizontal në një pozicion vertikal, nga ana tjetër, zgjat më pak se 30 minuta./ar.sh/SYRI.NET