Aktorja amerikane Angelina Jolie së fundi është parë nën shoqërinë e një mashkulli, i cili është identifikuar si David Mayer de Rothschild. Dyshja janë fotografuar duke shijuar një darkë romantike, në restorantin “Nobu” në Los Angelos, raportojnë mediat amerikane.

Deri më tani nuk ka asnjë konfirmim zyrtar për një lidhje mes të dyve. Mësohet se britaniku i përket familjes bankare të miliarderëve Rothschild, është kreu i Adventure Ecology, një grup ekspeditës i dedikuar për rritjen e ndërgjegjësimit për ndryshimet klimatike.

44 vjeçari, tre më i ri se aktorja, është djali i bankierit Sir Evelyn de Rothschild: familja e tij konsiderohet si një nga më elitat dhe më të pasurat në Britaninë e Madhe dhe në botë. Davidi ka bërë emër duke e kthyer pasionin e tij për natyrën dhe kafshët në punë. Në moshën 26-vjeçare ai kaloi Antarktidën në këmbë dhe me ski dhe një vit më vonë ai kaloi Polin e Veriut duke hyrë në Librin e Rekordeve Guinness.